Trimlaedje

Li trimlaedje ou biytaedje, c' est l' djouwaedje a des djeus po des liårds.

Metans : des cwårdjeus, sacwants djeus d' dicåce (tirlibibi), les djeus d' cazino, les wadjeures so les coûsses di tchvås ou les matchs di fotbale.

Sacwants livreyes vidèt totes sôres di djeus d' lotreye. Gn a eto des vindeus pormoennant ki saynut d' vinde des biyets d' lotreye.

Les djeus d' trimlaedjes sont foirt corants so les fis.

Li trimlaedje est veyou evi des rlidjons, ca i rwene sovint les trimleus. Kibén did zels n' ont i nén trimlé tos leus béns evoye !

Dins on tecse del coirnêye «Avå les voyes», På-Hinri Tomsin djåze do trimleu:

Adon, li trimleu djowe al lotreye : troes cwate feyes li samwinne, i tape des limeros, fwait des croes, rimplixh des vudes, grete totes sôres di biyets. Tant ki çoula lyi pout rapoirter, i n' louke nén a vint-z uros. Po wangnî, dji wadje k' i sereut presse a rniyî ses parints et si oneur tot a ene feye.^[1]

Émile Robin a cmincî come croupî e cazino d' Nameur. Adonpwis, il a fwait l' minme mestî e l' Itåleye, pu e l' Libeye do tins do colnijhaedje itålyin.

I gn a so les cmons Wikipedia des imådjes ou fitchîs son a vey avou l' trimlaedje .

1. ↑ Biyet d' oumeur 2000934706adt