Hayiti

Hayiti (Akṛiyul Ahayit: Ayiti, Tafṛansist: Haïti), s wudm amaddud Tagduda n Hayiti (Akṛiyul Ahayit: Repiblik d Ayiti; Tafṛansist: République d'Haïti) tga yat tmazirt illan f tgzirin n Ukaṛibiyan n Isbanyula. Tamazrit yaḍn da illan ɣ tgzirt ad tga tt Tagduda Taḍuminikant. Hayiti dars snat tutlayin timaddudin, Tafṛansist d Ukṛiyul Ahayit lli igan yat tunɣilt tafrart n Tfṛansist irksn d tutalyin n Tfriqt. Puṛt-u-Brans ad igan tamaẓunt nns.

Iga ungigt n Hayiti amnanaḍ. S Tfṛansist, ar ttinin i tmazirt ad "La Perle des Antilles" (Iẓllayn n Wantiln) f ufulki nns agaman. Llan mnnaw idrarn ɣ Hayiti. Tkka tt inn tmazirt tdl akkʷ s taganin, macc ur sulnt s tmntilt n tukksa n taddagin. Hayiti ad igan tamazirt tamẓluḍt akkʷ ɣ uzgn utrim n umaḍal.

Tbḍa Hayiti f tẓa tzuna. Asgd asdslan ɣ tmazirt tga Tkaṭulikt Taṛumant, macc kigan n mddn ḍfaṛn Afudu da igan yan usgd d yuckan zɣ tflsin timdnanin ɣ Binin.