Modifica gratis documentos PDF con le editor de PDF de Firefox
Si tu debe adder substantia a un documento PDF, ora tu pote facer lo online con Firefox. Aperi le PDF in Firefox e clicca le button Texto o Designo in le angulo superior dextre pro modificar tu documento. Discarga le file pro salvar lo con tu modificationes.
Plena formularios online sin imprimer o scander
Tote nos ha affrontate isto: tu debe plenar un formulario PDF, ma illo non es modificabile. In le passato, tu sol option era imprimer lo sur un arbore morte, adder cosas con tinta, e pois re-scander lo in tu computator.
Non plus! Ora, toto lo que tu debe facer es rediger le PDF online con Firefox, salvar lo, e inviar lo per email ab tu computator.
Adder texto
Aperi le PDF in Firefox. Clicca le button Texto pro eliger color e dimension del texto ante seliger ubi sur le documento tu vole adder lo. Il es facile!
![](https://cdn.statically.io/img/www.mozilla.org/media/img/firefox/features/edit-pdf-text.4880613cd4be.png)
Adde designos (o tu firma)
Aperi le PDF in Firefox. Clicca le icone Tirar pro eliger color, spissor e opacitate ante pois poter designar sur le documento. Il non sera probabilemente alco de plus complicate que tu firma usual!
![](https://cdn.statically.io/img/www.mozilla.org/media/img/firefox/features/edit-pdf-draw.509d4a2ad7c2.png)
Adde imagine con altere texto
Aperi le file PDF in Firefox. Clicca le icone del imagine, que pois te sollicitara a cargar un imagine. Adjusta dimension e placiamento de tu imagine como necessari. Clicca le button “+Alt text” sur le imagine pro adder un description de photo e render tu file PDF plus accessibile.
![](https://cdn.statically.io/img/www.mozilla.org/media/img/firefox/features/edit-pdf-alt-text.848327ea8b15.png)
Crea un evidentiation
Aperi le file PDF in Firefox. Elige le texto que tu vole evidentiar, pois clicca le icone evidentiar que appare infra tu selection, o clicca dextre pro trovar le option evidentiar in le menu contextual. Clicca le icone in alto a dextera pro evidentiar a mano libere le sectiones del file PDF.
![](https://cdn.statically.io/img/www.mozilla.org/media/img/firefox/features/edit-pdf-highlight.ee0bb9b3c8c2.png)