Help:ⵜⴰⵙⵏⴰ ⵏ ⵜⵉⵡⵉⵙⵉ

ⴱⵔⵔⴽ ⴷⴰⵔ ⵜⴰⵙⵏⴰ ⵏ ⵜⵉⵡⵉⵣⵉ ⵏ ⵡⵉⴽⵉⴱⵉⴷⵢⴰ ⵙ ⵜⴰⵛⵍⵃⵉⵜ, ⵖⵉⴷ ⴰ ⵖ ⵔⴰⴷ ⵜⴰⴼⵜ ⴽⵓⵍⵍⵓ ⴰⵢⵍⵍⵉ ⵜⵙⵖⴰⵡⵙⴰⵜ ⴰⴷ ⵜ ⵜⵙⵙⵏⵜ ⵉⵖ ⵜⵔⵉⵜ ⴰⴷ ⵜⴱⴷⵓⵜ ⵖ ⵡⵉⴽⵉⴱⵉⴷⵢⴰ ⵜⴰⵛⵍⵃⵉⵜ, ⴰⴷ ⴳⵉⵙ ⵜⵜⴰⵔⴰⵜ ⵉⵎⴳⵔⴰⴷⵏ ⴷ ⵉⵎⵏⵏⵉⵜⵏ, ⵜⴰⵡⵙⵜ ⵖ ⵓⵙⴰⵎⵓ ⵍⵍⵉ ⴽⵓⵍⵍⵓ ⵉⵎⵇⵇⵓⵔⵏ ⵖ ⵓⵎⴰⴹⴰⵍ. ⵖⵉⴷ ⴰ ⵖ ⵉⵍⵍⴰ ⴽⵓⵍⵍⵓ ⵎⴰⴷ ⵉⵣⴷⵉⵏ ⴷ ⵜⵉⵡⵉⵣⵉ, ⵔⴰⴷ ⴳⵉⵙ ⵜⴰⴼⵜ ⵎⴰⵎⵏⴽ ⴰⵙ ⵔⴰⴷ ⵜⴰⵔⴰⵜ ⵉⵎⴳⵔⴰⴷⵏ, ⵎⴰⵎⵏⴽ ⵙ ⵔⴰⴷ ⵜⵏ ⵜⵙⵏⴼⵍⵜ, ⵙ ⵔⴰⴷ ⵜⵏ ⵜⵙⵏⵓⵍⴼⵓⵜ ... ⴰⵜⴳ.

ⵎⴰⵛⵛⴰⵏ, ⴼⴰⴷ ⴰⴷ ⵜⴷⵔⵓⵜ ⵖ ⵡⵉⴽⵉⴱⵉⴷⵢⴰ ⵜⴰⵛⵍⵀⵉⵜ, ⵉⵇⵇⴰⵏ ⴷ ⴰⴷ ⵣⵡⴰⵔ ⴷⴰⵔⴽ ⵢⵉⵍⵉ ⴰⵎⵉⴹⴰⵏ ⵖ ⵡⵉⴽⵉⴱⵉⴷⵢⴰ ⵙ ⵔⴰⴷ ⴽ ⵙⵙⵏⵏ ⵎⵉⴷⴷⵏ. ⵉⵖ ⵜ ⵓⵔ ⵜⵟⵟⴰⴼⵜ ⵏⵖ ⴰⴽ ⵉⵊⵍⴰ ⵡⴰⵍⵍⵉ ⵜⵜ ⵏⵏ ⴷⴰⵔⴽ ⵉⴽⴽⴰⵏ, ⵜⵣⴹⴰⵔⵜ ⴰⴷ ⵙⴽⵔⵜ ⴰⵎⵉⴹⴰⵏ ⴰⵎⴰⵢⵏⵓ (ⴰⵊⴷⵉⴷ).

ⵓⵔ ⴷ ⵉⵇⵇⴰⵏ ⵓⵣⵎⵎⴻⵎ ⵖ ⵡⵉⴽⵉⴱⵉⴷⵢⴰ. ⵜⵣⴹⴰⵔⵜ ⴰⴷ ⵜⴰⵔⴰⵜ, ⵜⵙⵏⴼⵍⵜ, ⵜⴷⵔⵓⵜ ⵎⵇⵇⴰⵔ ⵓⵔ ⵜⵣⵎⵎⵉⵎⵜ ⵙ ⵓⵎⵉⴹⴰⵏ, ⵎⴰⵛⵛⴰⵏ ⵔⴰⴷ ⴷ ⵉⵖⵍⵉ ⵉⵏⵉⴳⵍ ⵉⴱ ⵏⵏⴽ ⵉ ⵓⵎⴰⵜⴰ. ⴰⴼⴰⴷ ⴰⴷ ⵜⵇⵇⵉⵍⵜ ⵉⵅⴼ ⵏⵏⴽ ⵣⵖ ⵓⵔⵉⵜⵍ, ⵉⵜⵜⵓⵡⵙⵙⴰ ⵙ ⵓⵣⵎⵎⴻⵎ.

ⴰⴼⴰⴷ ⴰⴷ ⵜⵙⴽⵔⵜ ⴰⵎⵉⴹⴰⵏ, ⴹⴼⵕ ⵜⵖⴰⵔⴰⵙⵉⵏ ⴰⴷ ⵍⵍⴰⵏⵉⵏ ⴷⴷⴰⵡ ⴰⵙ:

1. ⴰⴷⵔ ⵉ « ⵣⵎⵎⴻⵎ » ⵏⵖ « ⵙⴽⵔ ⴰⵙⵎⵔⴰⵙ » ⵍⵍⵉ ⵉⵍⵍⴰⵏ ⵖ ⵓⴼⵍⵍⴰ ⴰⴼⴰⵙⵉ ⵏ ⵜⴰⵙⵏⴰ ⵏⵏⴽ.
2. ⴰⵔⴰ ⴰⵢⵍⵍⵉ ⵜⵜⴹⴰⵍⴰⴱⵏ ⵖ ⵉⴷⵖⴰⵔⵏ ⵏ ⵜⵉⵔⵔⴰ.
3. ⵙⴽⵛⵎ ⵉⵙⵎ ⵏ ⵓⵙⵎⵔⴰⵙ.
4. ⵙⴽⵛⵎ ⵜⴰⴳⵓⵔⵉ ⵏ ⵓⵣⵔⴰⵢ.
5. ⵓⵔ ⴷ ⵉⵇⵇⴰⵏ ⵓⵙⴽⵛⵎ ⵏ ⵡⴰⵏⵙⴰ ⴰⵍⵉⴽⵟⵕⵓⵏⵉ (ⴻ-ⵎⴰⵉⵍ), ⵎⴰⵛⵛⴰⵏ ⵉⵜⵜⵓⵡⵙⵙⴰ ⵙⵉⵙ.
6. ⵙⵖⵥⵏ ⴰⵙⴷⴷⵉⴷ ⵏ ⵓⵙⵎⵔⴰⵙ ⵏⵏⴽ, ⵜⴰⴷⵔⵜ ⴼ « ⵙⵖⵥⵏ » ⵍⵍⵉ ⵉⵍⵍⴰⵏ ⵖ ⵉⵣⴷⴷⴰⵔ ⵏ ⵜⴰⵙⵏⴰ.

ⴰⴼⴰⴷ ⴰⴷ ⵜⵙⵏⴼⵍⵜ ⴽⵔⴰ ⵖ ⵉⵎⴳⵔⴰⴷⵏ ⵏ ⵡⵉⴽⵉⴱⵉⴷⵢⴰ ⵜⴰⵛⵍⵃⵉⵜ, ⴹⴼⵕ ⵜⵖⴰⵔⴰⵙⵉⵏ ⴰⴷ ⵍⵍⴰⵏⵉⵏ ⴷⴷⴰⵡ ⴰⵙ:

1. ⵣⵎⵎⴻⵎ ⵙ ⵓⵎⵉⴹⴰⵏ ⵏⵏⴽ (ⵉⵖ ⵜⵔⵉⵜ) : ⵉⵖ ⵜ ⵓⵔ ⵜⵟⵟⴰⴼⵜ ⴹⴼⵔ ⵜⵖⴰⵔⴰⵙⵉⵏ ⵏ ⵉⴳⴳⵉ.
2. ⴷⴷⵓ ⵙ ⵜⴰⵙⵏⴰ ⵏ ⵓⵎⵏⵏⵉ ⵏⵏⴰ ⵜⵔⵉⵜ ⴰⴷ ⵜⵙⵏⴼⵍⵜ: ⵙⵉⴳⴳⵍⵜ ⵙ ⵓⴷⵖⴰⵔ ⵍⵍⵉ ⵖ ⵏⵙⵉⴳⵉⵍ ⵉⵎⵏⵏⵉⵜⵏ.
3. ⴰⴷⵔ ⵉ « ⵙⵏⴼⵍ »: ⵔⴰⴷ ⵜⵜ ⵜⴰⴼⵜ ⵖ ⵓⴼⵍⵍⴰ ⴰⴼⴰⵙⵉ ⵏ ⵜⴰⵙⵏⴰ ⵏ ⵓⵎⵏⵏⵉ.
4. ⵙⴽⵔ ⵉⵙⵏⴼⴰⵍⵏ ⵏⵏⴽ: ⵉⵖ ⵜⵔⵉⵜ ⴰⴷ ⵜⵙⵏⴼⵍⵜ ⴽⵔⴰ ⵏⵖ ⵜⵔⵉⵜ ⴰⴷ ⵜⵣⴰⵢⴷⵜ ⴽⵔⴰ ⵏ ⵓⴹⵕⵉⵚ ⵉ ⵓⵎⵏⵏⵉ.
5. ⵔⵏⵓ ⵉⵖⴱⵓⵍⴰ ⵏⵏⴽ: ⵉⵇⵇⴰⵏ ⴷ, ⵉⵖ ⵜⵓⵔⵉⵜ ⴽⵔⴰ, ⴰⴷ ⵜⵣⴰⵢⴷ ⵉⵖⴱⵓⵍⴰ ⵏ ⵉⵏⵖⵎⵉⵙⵙⵏ ⵏⵏⴰ ⵖⵉⵏⵏ ⵜⵓⵔⵉⵜ ⴼⴰⴷ ⴰⴷ ⴱⴷⴷⴰ ⵜⵖⴰⵎⴰ ⵍⵎⵉⵙⴷⴰⵇⵢⴰ ⵏ ⵖⴰⵢⵍⵍⵉ ⵉⵜⵜⵉⵍⵍⵉⵏ ⵖ ⵡⵉⴽⵉⴱⵉⴷⵢⴰ.
6. ⴼⵙⵔ ⵉⵙⵏⴼⴰⵍ ⵏⵏⴽ: ⴽⵓⴷⵏⵏⴰ ⵜⴽⵎⵎⵜ ⵉⵙⵏⴼⴰⵍⵏ ⵏⵏⴽ ⴽⵓⵍⵍⵓ ⵜⵏ, ⴰⴷⵔ ⵉ «ⴼⵙⵔ ⵉⵙⵏⴼⴰⵍⵏ».

ⴰⴷ ⵢⵉⵍⵉ ⵖ ⵢⵉⵅⴼ ⵏⵏⴽ: ⴽⵔⴰⵢⴳⴰⵜⵜ ⴰⵎⴰⵔⴰ ⵉⴳⴰ ⴰⵏⴱⴷⴰⴷ ⴼ ⵜⴷⵔⴰⵡⵉⵏ ⵏⵏⵙ ⵍⵍⵉ ⵙⵔⵙ ⵥⵍⵉⵏⵉⵏ.

ⵍⵍⴰⵏⵜ ⴽⵉⴳⴰⵏ ⵏ ⵜⵖⴰⵔⴰⵙⵉⵏ ⵉⵖ ⵔⴰⴷ ⵜⵙⵏⵓⵍⴼⵓⵜ ⴰⵎⵏⵏⵉ ⴰⵎⴰⵢⵏⵓ, ⵜⴰⴷ ⵜⴳⴰ ⵢⴰⵜ ⴳⵉⵙⵏⵜ, ⴹⴼⵕ ⵜⵖⴰⵔⴰⵙⵉⵏ ⴰⴷ ⵍⵍⴰⵏⵉⵏ ⴷⴷⴰⵡ ⴰⵙ:

1. ⵣⵎⵎⴻⵎ ⵙ ⵓⵎⵉⴹⴰⵏ ⵏⵏⴽ (ⵉⵖ ⵜⵔⵉⵜ) : ⵉⵖ ⵜ ⵓⵔ ⵜⵟⵟⴰⴼⵜ ⴹⴼⵔ ⵜⵖⴰⵔⴰⵙⵉⵏ ⵏ ⵉⴳⴳⵉ.
2. ⴷⴷⵓ ⵙ ⵜⴰⵙⵏⴰ ⵜⴰⵎⵣⵡⴰⵔⵓⵜ ⵏⵖ ⵜⴰⵙⵏⴰ ⴰⴷ ⵏⵉⵜ: ⵜⵍⵍⴰ ⵢⴰⵜ ⵜⴰⵍⵖⴰ ⵏ ⵓⵙⵏⵓⵍⴼⵓ ⵏ ⵉⵎⵏⵏⵉⵜⵏ ⵖ ⵉⵣⴷⴷⴰⵔ.
3. ⴰⵔⴰ ⵉⵙⵎ ⵏ ⵜⴰⵙⵏⴰ: ⴰⴷ ⵓⵔ ⵜⴻⵜⵜⵓⵜ ⴰⴷ ⵜ ⵜⴰⵔⴰⵜ ⵙ ⵓⴳⵎⵎⴰⵢ ⴰⵎⴰⵣⵉⵖ ⴰⵍⴰⵜⵉⵏ, ⵉⴳ ⴰⵙⴽⴽⵉⵍ ⴰⵎⵣⵡⴰⵔⵓ ⴰⵙⴽⴽⵉⵍ ⵎⵇⵇⵓⵔⵏ.
4. ⴰⵔⴰ ⴰⵎⵏⵏⵉ.
5. ⴼⵙⵔ ⴰⵎⵏⵏⵉ: ⵉⵖ ⵜⵀⵉⵢⵢⵉⵜ, ⴰⴷⵔ ⴼ « ⴼⵙⵔ ⵉⵙⵏⴼⴰⵍⵏ ».

ⴰⴷ ⵢⵉⵍⵉ ⵖ ⵢⵉⵅⴼ ⵏⵏⴽ: ⴽⵔⴰⵢⴳⴰⵜⵜ ⴰⵎⴰⵔⴰ ⵉⴳⴰ ⴰⵏⴱⴷⴰⴷ ⴼ ⵜⴷⵔⴰⵡⵉⵏ ⵏⵏⵙ ⵍⵍⵉ ⵙⵔⵙ ⵥⵍⵉⵏⵉⵏ.

• ⵎⴰⵏⴽⴰ ⵙ ⵔⴰⴷ ⵙⵜⵉⵖ ⵜⵉⴼⵉⵏⴰⵖ ⴰⵎ ⵓⴳⵎⵎⴰⵢ ⴰⵎⵣⵡⴰⵔⵓ ?
• ⵎⴰⵏⴽⴰ ⵙ ⵔⴰⴷ ⴰⵔⴰⵖ ⴰⵎⴳⵔⴰⴷ ⵉⴼⵓⵍⴽⵉⵏ ?
• ⵎⴰⵏⴽⴰ ⵙ ⵔⴰⴷ ⴰⵍⵙⵖ ⵢⵉⵙⵎ ⵉ ⴽⵔⴰⵏ ⵜⴰⵙⵏⴰ ?
• ⵎⴰⵏⴽⴰ ⵜⴳⴰ ⵜⴰⵖⴰⵔⴰⵙⵜ ⵏ ⵜⵉⵔⵔⴰ ⵏ ⵉⵎⴳⵔⴰⴷⵏ ?
• ⵜⵉⵡⵉⵣⵉ ⵉ ⵜⵉⵔⵔⴰ ⵏ ⵉⵎⴳⵔⴰⴷⵏ

• ⵜⵉⴳⵎⵎⵉ ⵏ ⵓⵎⵙⴰⵡⴰⵍ
• ⵉⵎⴰⵔⴰⵜⵏ ⵏ ⵡⵉⴽⵉⴱⵉⴷⵢⴰ ⵙ ⵜⵛⵍⵃⵉⵜ

• ⵉⵣⴷⴰⵢⵏ ⵉⴼⵓⵍⴽⵉⵏ
• ⴰⴳⴻⵎⵎⴰⵢ ⴰⵍⴰⵜⵉⵏ ⵏ ⵜⵎⴰⵣⵉⵖⵜ