Fyitnam

Fyitnam zɣ tallit n uẓru taqburt, s tdawlin ittuskkarn ɣ iffus amzwaru AC ɣ usammer n wasif azggaɣ ɣ Vietnam n ɣilad n ugafa. Tagldit n Han tɛmmr Vietnam n ugafa d wammas ddaw unbaḍ n Ccinwa zɣ 111 BC, ar d tffɣ tgldit tamzwarut ɣ 939. Tigldiwin timnkadin ẓḍarnt ad amẓnt tawngimin n Ccinwa s Konfucyanizm d Budizm, ar ttmɣurnt s iffus s usammer n wasif Mekong, ar tt Champa. Ɣ tugt n tasut tis-17 d tis-18, Vietnam tbḍa s sin: Đàng Trong d Đàng Ngoài. Nguyễn - tagldit tanggaru - tmmdi i Fransa ɣ 1883. Ɣ 1887, akal ns iga win Fransa Tahindit s kraṭṭ tmnaḍin. Ɣ tizi n tɣarast n umgaru wis sin n umaḍal, tamunt tanamurt Viet Minh, nna yettuẓṛayn s umɣnas akuminist Ho Chi Minh, tssker tankayt n Ɣuct tini d tilelli n Vietnam ɣ 1945.

Vietnam tẓri imɣarn ɣzzifnin ɣ tasut tis-20. Ḍart umgaru wis sin n umaḍal, Fransa tuɣul ad trar tanbaḍt ns takalant ɣ Umgaru amzwaru n Lhind, ɣ nna d tffɣ Vietnam tɣlb ɣ 1954. S uyad, Vietnam tbḍa s sin. Amgaru n Vietnam ibda mnnawt tikkal ḍart n uyad, gr Vietnam n ugafa takuminist, nna mi tɛawn Ssuvyit d Ccinwa, d Vietnam n iffus nna yugin takuninist, nna mi tɛawn Iwunak Munnin. S tɣlbit n Vietnam n ugafa ɣ 1975, Vietnam tuɣal tga yat tmazirt tamyiwnt tanemlayt ddaw Ukabar Akuminist n Vietnam (CPV) ɣ 1976. Yan usɣiwr ittuẓlayn ur infiɛn, abluky n tẓuṛi zɣ Lɣrb, d imɣarn d Kambudya d Ccinwa ssḍɛfn tamurt ugar. Ɣ 1986, CPV tssker tiɣbula tiḍrfanin d tsrtanin am tɣbula tiḍrfanin n Ccinwa, ar tsbddal tamurt s yat tdmsa n ssuq ittuẓlayn s tnemlayt. Tiɣbula ad sshlantt i Vietnam ad tuɣul s tdmsa d tsrtant n umaḍal.

Vietnam tga yat tmazirt ittmɣurn s yat tdmsa n tdusi tamnaṣṭ-izddign. Tla yat tswi yattuyn n rrcu, tabadut, imuran n twengimt d yan umazray n izrfan n ufgan ur iḥlin; tamurt ad tettili ɣ tama n wadda ɣ twisi n umaḍal n tilelli timatayin, tilelli n uɣmis, d tilelli n ddin d imzdaɣn imẓlayn. Tga tamaẓunt ɣ tmyurin timaḍlanin d tinmnaḍin am ASEAN, APEC, CPTPP, Non-Aligned Movement, OIF, d WTO. Tṭṭaf yan udɣar ɣ usqqimu n tɣlst n tmyurin munnin sin tikkal.