Niqulu Makyabilli

Iga N

Niccolò di Bernardo dei Machiave[a] (3 mayyu 1469 – 21 yunyu 1527) iga yan urgaz sɣ Fluransa[4][5], iga anmhal, amara, afilusuf, d umzruy lli iddarn ɣ tallit n Usnflul n Iṭalya. Ittwassan uggar s udlis nns asrtan *Agllid* (*Il Principe*), lli yuran ɣ 1513 macc ur d iffɣ ar 1532, smmus isggʷasn ḍart lmut nns.[6] Ar as ttinin s tugt "bab n taflsuft tasrtant tamaynut d tussna tasrtant".[7]

I isggʷasn ggutnin ixdm zund amɣar amqran ɣ Tagduda n Fluransa s tmssutn ɣ tɣawsiwin n unmhal d iɣrman. Yura timdyazin iḍṣanin, izlan n lficṭa, d tmdyazt. Tibratin nns gant ti ixatrn i imzruyn d imusnawen n tibratin n Iṭalya.[8] Ixdm zund anɣmas n tkanzllit tis snat n Tagduda n Fluransa sɣ 1498 ar 1512, lliɣ ur llin Medici ɣ tṣlḍant.

Ḍart lmut nns, ism n Machiavelli yucka ad issktay tiɣawsiwin ur ifulkin lli f iwṣṣa uggar ɣ udlis nns, *Agllid*.[9] Inna is tirmt nns d tɣuri nns n umzruy as mlant is tasnrtant tuɣ t tlla gis tkrkas, taqllabẓa, d ukccuḍ.[10] Inna ula is yan unbaḍ lli iskarn tagldit nɣd tagduda, ittwannayn f mad iskr, ula tiɣdmt, iɣiya ad as ittwasurrf iɣ tga nniyyt d tifrt nns ti ifulkin i ntta.[11][12][13] *Agllid* n Machiavelli illa gis wawal sɣ wass lli ɣ d iffɣ. Kra ar t ittannay is iga asisfiy lli ur iggan d lli ur ibbin f tilawt tasrtant. Wiyyaḍ ar t ẓṛṛan is iga adlis n uslmd, ar isslmad imẓlayn mamk ad amẓn taṣlḍant ula mamk ad tt ṭṭafn.[14] Ar ɣilad, kra n imusnawen, zund Leo Strauss, suln ar ttinin tnnayt taqburt is Machiavelli iga "asslmad n tukrḍa".