Grinada
Grinada (s ukṛyul Agrabad-Afranssi: Gwenad) tga ayt tmazirt tagzirt illan ɣ yill akaribi, tumẓ tasimant nns zɣ Tgldit imunn ɣ 1974. Sant Djuṛj ad igan tamaẓunt nns.
Amzruy
Dat ad tt inn afin iṛumiyn, imzdaɣn nns iẓuṛann ka ad tt inn ikkan izdɣn gis. Ɣ 1649, tsdurrit tt Fṛansa. Ḍaṛt n yat tasut, ɣ 1763, tettyufka Grinada i Tgldit imunn.
Taɣul Grinada d tamazirt ilan tasimant ɣ 1974, yili unssixf n imawsasn Irik Giri ɣ yixf nns ɣakud ann. Tsug Marikan tamazirt ad ɣ 1983 f tmntilt n tkṣṣaḍ zɣ unyuddr n tjmawt ɣ tgzirt.
Ɣ 2004, yut ugngam n Ifan tagzirt, isnnstm kigan zɣ aylli gis illan.
Tasrtit
Tga Grinada yat tgldit, ig gis Tcaṛlz Wis Kraḍ agllid. Illa dar Grinada yan ubṛlaman yuman 13 n imɣarn (13 isɣimn) d yan Usqqim n Imaran (15 isɣimn). Imɣarn ar tn sttin imaran nna daɣ isttin umadan.